Masobra P1 million nga balor sang suspected shabu na-recover sa drug buy bust sa Ajuy
ILOILO— Masobra P1 million nga balor sang suspected shabu ang na-recover sa drug buy bust operation sa Brgy. Tipacla, Ajuy Hunyo 21 sang gab-i.
Nadakpan sa operasyon si alias Bagtik, 42-anyos nga habal-habal driver.
Sa pag-monitor sang Station Drug Enforcement Team sang Ajuy Municipal Police Station, newly identified High Value Individual (HVI) si Bagtik nga naga-operate sa Ajuy.
Duha ka semana nga gin-surveillance sang police ang illegal drug activities sang subject kasunod sang nabaton nga report halin sa mga concerned citizen.
Ginkuha sang subject ang supply sa kaiping nga kabanwahanan kag ginabaligya sa Ajuy.
Nakumpiskar ang 150 grams sang suspected shabu nga may estimated standard drug price nga P1,020,000. — Aksyon Farrah mae Morano
