Construction worker nakuhaan sang masobra tunga sa milyon nga balor sang suspected shabu sa Bo Obrero, Lapuz
ILOILO CITY — Na-recover sa 36-anyos nga construction worker ang P462,000 nga balor sang suspected shabu sa buy bust operation sa Brgy. Bo. Obrero, Lapuz kahapon sang aga, Hunyo 28.
Ginkilala ang subject kay alyas Jeff, ginakabig sang police nga high value drug personality kag residente sang amo nga barangay.
Suno kay Police Captain Lester Oliveros, officer-in-charge sang Police Station 8, na-monitor ang ilegal nga aktibidad sang subject tungod sa confidential information nga ginpalab-ut sa ila.
Nagdugay sang isa ka bulan ang monitoring sang police sa subject.
Ginpahayag sang police nga sa Molo nagahalin ang supply sang illegal drugs sang subject.
Nagabug-at sang 68 grams ang mga na-recover nga suspected shabu. — Aksyon Paula Elambayo
