“Task Force Pis-anan” gintukod sang Sibalom LGU agud mapadasig ang imbestigasyon sa paglain sang pamatyag sang ginatos ka mga estudyante
Nagtukod sang Task Force Pis-anan ang Sibalom LGU agud mapadasig ang imbestigasyon sa paglain sang pamatyag sang masobra 250 ka mga estudyante halin sa duha ka eskwelahan sa Brgy. Pis-anan sang Miyerkules, Hulyo 2.
Suno kay Mr. Rodel Esler, information officer sang Unified Incident command for unidentified hazardous chemical incident in Brgy. Pis-anan, imbestigaran ang tanan nga anggulo kon ano gid ang natabo.
Una na nga nagreklamo ang mga estudyante nga nakapanimaho sila sang daw “luto nga bayabas” tubtob nga naglain ang ila pamatyag.
Magluwas diri, may technical working group man nga ma-monitor sa mga estudyante nga ginpapuli na sa ila balay halin sa ospital makaligad nga nag-ayo ang pamatyag.
