Driver sang motorsilo patay sang na-aksidente sa Sara, Iloilo
ILOILO — Patay ang driver sang motorsiklo sang nadulaan sang control sa national highway sang Sara, Iloilo las 12:05 kahapon sang kaagahon, Hulyo 4.
Ginkilala ang driver kay Redjie Medel, 22 anyos, residente sang Barangay Bacjawan Sur, Concepcion.
Suno kay Corporal Joven Bajon sang Sara Municipal Police Station, naglapaw sa kurbadahon nga parte sang karsada ang motorsiklo.
Halin sa Sara, Iloilo ang driver kag mapuli na kuntani sa Concepcion sang na-aksidente
Naguwa sa imbestigasyon sang pulis nga nakainom sang makahulubog nga ilimnon ang driver.
Nakaagum sang pilas sa ulo kag bali ang wala nga kamot sang driver sang nagtabog sa karsada.
Gindala pa sa Western Visayas Medical Center ang driver pero gindeklarar nga napatay.
