23-anyos nga driver sang motorsiklo patay sang nakabunggo sa center island sa Mali-ao, Pavia

ILOILO— Patay ang 23-anyos nga driver sang motorsiklo sang na-aksidente sa Mali-ao, Pavia kaina sang kaagahon.

Suno sa manghod nga si Raven, las-3 sa kaagahon sang naghalin sa ila apartment sa Sta Barbara ang iya magulang nga si alyas Van.

Naglisensya lang si Van nga malibot-libot sakay sa iya motorsiklo. Upod ni Van ang isa pa niya ka abyan nga may motorsiklo.

Medyo naka-inum sang makahulubog nga ilimnon si Van pero indi hubog, suno sa manghod.

Gintawgan lang si Raven nga nadisgrasya na si Van.

Sa pagpangusisa ni Raven, gulpi lang nagliko pa-wala ang motorsiklo ni Van kag nakabunggo sa center island.

Nagtabog pa ang driver sang masobra 10 meters ang kalayuon.

Wala sang helmet si Van kag may pilas sa ulo. — Aksyon Farrah Mae Morano