ILOILO CITY — Isa ang totally damaged samtang duha ang partially damaged nga balay sang nasunog sa Zone 1 Brgy. Airport, Mandurriao kagab-i.
Ini ang base sang Iloilo City Social Welfare and Development Office (CSWDO).
Suno sa mga nagatinir sa balay nga nasunog, may nabatian sila nga naglupok halin sa ikaduha nga panalgan.
Gin-off ang main switch tungod sa paglupok pero wala natalupangdan nga nagkalayo na ang balay.
Sa imbestigasyon ni Fire Officer 1 Ciandy Paul Pasion, imbestigador sang Iloilo City Fire Station, electrical in nature ang posible ginhalinan sang sunog.
Naglab-ut P75,000 ang kahalitan sang sunog. — Aksyon Farrah Mae Morano
