ILOILO — Na-recover ang P1,156,000 nga balor sang suspected shabu sa drug buy bust operation sa Zone 15 Brgy. Calaparan, Arevalo kahapon sang kaagahon, Oct. 2.
Suno kay Police Major Marvin Villanueva, deputy chief sang Regional Police Drug Enforcement Unit, mga estudyante ang mga nadakpan.
Main subject sa operation si Alyas Jer 22-anyos upod sanday alyas Alein 20-anyos kag Karl 18- anyos, residente sang amo nga barangay.
Sa isa ka bulan nga monitoring sang police, nahibaluan nga ginabaligya sang mga subject ang illegal nga druga sa syudad sang Iloilo.
Ginabanta 170 grams ang na-recover nga suspected shabu sa mga subject.
Wala ginbuyagyag sang police ang source sang illegal nga druga sang mga subject. — ARI trainee Robert Nietes
