ILOILO CITY – Natabangan ang tatlo ka solterito sang diyutayan lang nalumos samtang nagapaligo sa baybay nga sakop sang Brgy. Boulevard, Molo kahapon sang hapon.
Lunsay menor-de-edad ang tatlo nga residente sang Brgy. Kasing-kasing, Molo. Nagapang-edaron sila sang 17, 14, kag 13.
Sa interview sang Aksyon Radyo Iloilo news team kay Alyas Toto, 17, nagpaligo sila nga tatlo pero indi makahibalo maglangoy ang 13-anyos nila nga upod rason nga ginbuligan nila agud mapatakas.
Pero tungod sa mabaskog nga current sang tubig, gindala sila sang balod sa madalom nga porsyon gani nga nagpautaw-utaw na lang sila.
Natinguhaan man nila nga makapangayo sang bulig kabangdanan nga gin-rescue sila kag ginpasakay sa pumpboat agud madala sang panghigaron. —via Maria Kayla Tingzon
