ILOILO— Dead-on-arrival sa ospital ang tatlo ka pasahero sang 6-wheeler truck nga natumba sa Barangay San Jose, Tubungan kagab-i.
Suno kay Police Captain Lunelyn Talamillo, Officer-in-Charge sang Tubungan Police Station, pito tanan ang sakay sang truck lakip ang driver.
Sang natumba ang truck, naipit ang tatlo rason sang ila pagkapatay. Ang duha pa nila ka upod ang may fracture kag padayon ginabulong sa ospital.
Wala napilasan ang driver kag isa pa nila ka upod.
Halin ang truck sa San Joaquin kag may karga nga tangke sang tubig kag papuli na sa ila barracks sa Barangay Bacan, Tubungan sang natabo ang aksidente.
Base sa initial nga imbestigasyon, naduluan sang kontrol sa manibela ang driver rason nga natumba ang truck. — Aksyon Angel Mae Ciudad
