Ginpasugtan na sang Land Transportation Office (LTO) ang tatlo ka tuig nga validity sa registration sang brand-new nga motorsiklo nga may engine displacement nga mas manubo sa 200 cubic centimeters (200 CC).
Ginpahayag sang LTO nga kapin sa 2-million ka units ang makabenepisyo sa bag-o nga lihok.
Ginpaathag ni LTO Chief Jose Arturo Tugade nga wala sila sang nakita nga problema sa roadworthiness sang mga motorsiklo nga may tatlo ka tuig nga rehistro tungod bag-o man ini nga mga salakyan.
Dugang niya, nagapati sila sa LTO nga makabulig ini nga lihok sa mga drivers nga nagaparehistro sang bag-o nila nga motorsiklo agud magamit sa ila palangabuhian ukon trabaho.
Kabahin ang nasambit nga lihok sa mga pamaagi sang ahensiya agud mapadasig ang proseso kag mapahapos ang mga transaksyon sang publiko sa LTO. – with reports from GMA news
