Preparado na ang Office of Civil Defense sa 3rd Quarter Nationwide Simultaneous Earthquake Drill (NSED) las-4 karon sa hapon.
Himuon ang ceremonial pressing of the button sa Camp Aguinaldo sa Quezon City, kag pagasundan sang full-scale exercise sa 525th Engineering Combat Battalion Training Area, Libingan ng mga Bayani sa Taguig City.
Maga-sentro ang aktibidad sa Big One” scenario, ukon ang magnitude 7.2 nga linog nga may intensity VIII sa Metro Manila, Central Luzon, kag CALABARZON subong man sa iban pa nga rehiyon nga magaresulta sa pagkaguba sang National Disaster Risk Reduction and Management Council (NDRRMC) Operations Center sa Quezon City.
Katuyuan sini nga mapasangkad ang kahanda kag safety sang mga indibidwal sa bilog nga pungsod pananglitan magluntad ang mabaskog nga linog.
Ginpabutyag sang OCD ang ka-importante sang regular nga earthquake drills tungod sa mataas nga risgu sang pungsod sa linog.
Gintumod man sini ang pagkinahanglan para sa engineering solutions, strict compliance sa Building Code, kag pagpasangkad sang koordinasyon sang nagkalain-lain nga sector.
