ILOILO CITY — Totally gutted ang tatlo (3) ka balay kag isa (1) ang partially damaged sa sunog sa Zone 11 Barangay Calaparan, Arevalo subong nga aga.
Ginapanag-iyahan nanday Helen Carnaso, Roland Malijan, kag Wences Villarba ang mga balay nga nasunog.
Partially damaged ang balay ni Sherwin Parohinog.
Base sa mga initial nga report kuryente ang ginhalinan sang sunog.
Suno sa mga residente, madugay na nga wala may naga-istar sa balay nga gin-umpisahan sang kalayo apang ginapasigahan lang sang suga.
Gin-athag man ni kagawad Rodrigo Montaño nga wala sang may naga-obra sang palupok sa lugar.
May mga naka-stock lang nga palupok sa isa ka balay rason nga madamo sang lupok nga nabatian.
