ILOILO — Apat ang nadakpan samtang isa ang nakapalagyo sa drug buy bust operation sa Brgy. Janipaan, Olo, Cabatuan kagab-i.
Ginkilala ang mga subjects kanday alyas Kyle, 19-anyos, alyas Rene, 55-anyos, alyas Neri, 34-anyos kag alyas Nel, 27-anyos.
Suno kay Police Captain Aileen Lacrite, hepe sang Cabatuan Municipal Police Station, lima ka mga indibidwal ang yara sa lugar sang ila gin-surveillance pero nakapalagyo ang isa nga si alyas Dong tungod nahibaluan niya nga may mga police sa palibot.
Na-recover sa operasyon ang ginabanta 140 grams sang suspected shabu nga may standard drug price nga P952,000.
Ginahibalo pa sang kapulisan kon diin nagahalin ang illegal nga druga nga nakuha sa mga nagkaladakpan.
Yara na sa kustodiya sang Cabatuan police ang apat ka mga subjects. — Aksyon Decyrrie Diamante
