ILOILO — Gin-report sang Iloilo Provincial Health Office ang dugang nga apat ka mga napatay tungod sa suspected pertussis ukon whooping cough sa Iloilo Province.
Ang mga napatay naghalin sa Miagao, Ajuy, Guimbal kag Bingawan.
Sa kabug-usan may 30 na ka mga pertussis cases sa Iloilo province sa diin 17 sini ang na-record nga suspected cases; anom ang laboratory confirmed kag pito naman ang napatay.
Nagapanguna sa gihapon sa may pinakamataas nga kaso ang Santa Barbara nga may apat samtang tag-duha naman sa Miagao kag Lambunao; kag tag-isa sa Dumangas, San Joaquin, Ajuy, Badiangan, Concepcion, Anilao, Barotac Viejo, Passi City, kag Sara.
Sa karun wala pa sa nasambit nga mga kabanwahanan ang naka-deklarar sang lokal outbreak tungod sa na-record nga kaso sang pertussis.
Ang whooping cough makalalaton nga respiratory illness tuga sang bacteria nga Bordetella pertussis. Lakip sa mga sintomas ang sip-on, hilanat, kag mild ukon pagbarukoy sang ubo.
Una na nga nagdeklarar ang Iloilo City sang state of calamity tungod sa local outbreak sang mga kaso sang pertussis. — via Aksyon Cedrick Anona
