ILOILO — Patay ang 46-anyos nga lalaki sang gintiro sang barangay kapitan kag kagawad sa Brgy. Adcadarao, Ajuy kagab-i, Hulyo 23.
Suno kay Police Captain John Michael Dalipe, hepe sang Ajuy Municipal Police Station, papuli na balay ang biktima nga nagasakay sa motorsiklo sang natabu ang krimen.
Nagaguwa sa imbestigasyon nga ginbantayan sang mga suspek ang biktima.
Ginpahayag ni Dalipe nga may pagbinaisay nga natabo sa tunga sang biktima kag mga suspek antes ang pagtiro.
Nakapalagyo pa ang biktima pakadto sa talamnan pero ginlagas sang mga suspek kag liwat nga gintiro.
Pagkatapos sini, nagpauli ang kagawad. Naabtan naman sang mga pulis ang kapitan nga yara pa sa lugar.
Detained sa Ajuy Municipal Police Station ang duha ka barangay officials.
Gina-imbestigaran pa sang Ajuy police ang iban nga detalye kon ngaa natabu ang krimen. — Aksyon Paula Elambayo
