ILOILO — Naga-conduct pa sa gihapon sang imbestigasyon ang Bureau of Fire Protection (BFP) Tubungan sa pagkasunog sang lima ka balay sa Brgy. Ingay las-10:44 kaina sang aga.
Suno kay Fire Officer 1 Romeo Tajanlangit Jr, imbestigador sang Tubungan Fire Station, duha ka balay ang totally gutted kag tatlo ang partially damaged sa sunog.
Anum tanan ka pamilya ang apektado sa sunog.
Ma-id-id nga ginahibalo sang mga bombero ang ginhalinan sang sunog pero una na nga ginpahayag ni Punong Barangay Leonardo Tamises nga may naglupok nga wiring sang transistor radio nga gulpi lang nagkalayo.
Gina-account pa sang BFP ang balor sang kahalitan sang sunog.
Gindeklarar nga fire out las-12:29 sa hapon. — Aksyon Farrah Mae Morano
