ILOILO — Nagresulta sa pagkabulag sang lima ka tuig nga bata nga lalaki sa Barangay Agdahon, Passi City sang nalukpan sang boga ang iya tuo nga mata sang Disyembre 19.

Suno kay Police Captain Ma. Rosario Miranda, Deputy Chief kag Public Information Officer (PIO) sang Passi City Police Station, nagahampang ang lima ka tuig nga bata upod sa iya pulo (10) ka tuig nga magulang kag pito (7) ka tuig nga kasilingan sang gintaya sang magulang sa iya manghod ang boga kag napalupok.

Gindala sa ospital sa Iloilo City ang bata kag ginpa-idalum sa operasyon pero nagakinahanglan pa sang eye donor.

Paga-usisaon pa sang mga pulis ang ginikanan sang bata sa dugang nga detalye may kaangtanan sa natabu tungod yara pa sila sa ospital nga nagabantay sa ila bata.

Ang lima ka tuig nga bata ang pinakauna nga nalukpan sang boga sa Passi City subong nga holiday season.