5 nagpositibo sa illegal nga druga sa “Oplan Harabas” sa Western Visayas — LTO 6

ILOILO CITY — Lima ang nagpositibo sa illegal nga druga sa tion sang Oplan Harabas sa Western Visayas kahapon, Oktubre 29.

Sa kabug-usan, 1,013 ang ginpaidalom sa drug test sa diin 876 ang mga drivers, 135 ang mga conductors, kag duha ka dispatchers sang nagkalain-lain nga terminals sa Iloilo, Aklan, kag Antique.

Suno kay PDEA 6 Director Ralph Rommel Torres, katuyuan sang Oplan Harabas nga masiguro nga drug-free ang dalanon kag transport terminals para sa safety sang mga pasahero.

Sa interview sang Aksyon Radyo Iloilo, ginpahayag ni Land Transportation Office (LTO) 6 Director Gaudioso Geduspan nga gilayon gin-suspend ang lisensiya sang apat ka mga tricycle driver sa San Jose, Antique kag truck driver sa Caticlan sa Aklan sang nagpositibo sa drug test.

Kon magpositibo gihapon ang confirmatory test sang lima, irekomendar ang revocation sang driver’s license.