ILOILO— Nakaagum sang indi magnubo sa lima ka pilas ang 53-anyos nga biktima sang nabun-an sang suspek sa Brgy. Dungon, Concepcion kagab-i.
Suspek si Limuel, 60-anyos samtang biktima naman si Ernesto, 53-anyos nga lunsay residente sang Brgy. Tagubanhan, Ajuy.
Suno kay Police Chief Master Sergeant Edzel Casia, imbestigador sang Concepcion Municipal Police Station, upod nga nag-inum inom ang suspek kag ang biktima tubtob naubos ang isa ka lipid.
Nagpauli ang suspek pero nagbalik kag nagmaoy, suno sa pulis.
Sa imbestigasyon, nagkomprontahanay ang duha tubtob ginbuno sang suspek ang biktima.
Gindala sa ospital ang biktima nga may pilas sa nagkalain-lain nga parte sang lawas.
Preso ang suspek sa Concepcion Police Station. — Aksyon Farrah Mae Morano
