ILOILO CITY — Anum ang arestado sa drug buy bust operation sa Barangay San Juan, Molo las 2:50 kaina sang kaagahon.
Ginkilala ang mga nagkaladakpan kanday Glenn Deslate, Gerald Gevero, Jay Constantino, Estanislao Hinojales, Eduardo Juatas, kag John Vincent Gevero.
Nakuhaan ang mga nagkaladakpan sang 16 ka sachets sang suspected shabu nga nagabug-at sang 70 grams kag may market value nga P476,000.
Magluwas sa suspected shabu, na-recover man sang mga operatiba ang laya nga dahon sang marijuana, P15,000 nga cash, 9mm caliber revolver nga may lima ka bala, 12 gauge homemade shotgun, tatlo ka weighing scales, gunting kag tatlo ka disposable lighters kag non-drug items.
Preso na ang anum sa Molo Police Station.
Ginhimo ang operasyon sang Regional Drug Enforcement Unit kag Molo Police.
