ILOILO — Naglawig sang malapit isa ka oras ang pagtiner sang anum ka mga estudyante sa lawod sang nagkapan ang ginasakyan nga motorbanca malapit sa Sicogon Island sa Carles mga las-12 kahapon sang udto.
Na-rescue ang mga estudyante nga kanday Lyn, 20-anyos; Kyle, 21-anyos; kag Joy, 20-anyos nga lunsay taga-Estancia, kag Jayson, 20-anyos; Lee, 15-anyos, kag Kim, 18-anyos nga taga-Sicogon Island.
Suno kay Mr. Leon Rogador II, head sang Estancia Municipal Disaster Risk Reduction and Management Office (MDRRMO), tungod dalagko ang balod kag mamadlos pa ang hangin bisan pa nakalabay na ang bagyo, nabali ang tarik sang motorbanca nga ginasakyan sang mga estudyante kag napatay ang makina.
Na-report sa MDRRMO ang natabu sang gintawgan sang isa sa mga estudyante nga si Lyn ang iya amay nga nagkapan ang ila ginasakyan nga motorbanca gani nagpatawag sang rescue.
Antes pa makaabot ang mga rescuers, may naglabay nga sakayan sa diin nagsaylo ang mga estudyante.
Naghimo sang research sa Sicogon Island ang mga estudyante kag Nobyembre 24 kuntani mapauli pero na-isol kahapon tungod sa paglaslas sang bagyo. — Aksyon Maria Kayla Tingzon
