ILOILO — Temporaryo nga nagpanirado ang anum ka mga gas stations sa Iloilo province tungod sang krisis sa gatong nga resulta sang giyera sa Middle East.
Base sa datos nga ginpaguwa sang Police Regional Office (PRO 6), lima ka banwa ang may gasolinahan nga nagpanirado tungod nga nagaka-ubusan sang supply sang gatong.
Ang ini nga mga banwa ang mga masunod:
San Joaquin nga may duha ka gas station nga nagpanirado, Dumangas, Batad, Lambunao, kag San Miguel nga may tag-isa ka gasolinahan.
Kalabanan nga rason amo nga wala sang supply rason sang temporaryo nga pagpanirado kag iban tungod sa pagmahal sang gatong.
Sa subong, gina-monitor pa sang kapulisan ang mga status sang gasolinahan kon liwat na nga nagbukas. — Aksyon Angel Mae Ciudad
