ILOILO CITY — Natupok sang kalayo ang tatlo ka mga balay nga ginapanag-iyahan sang pamilya Fermindoza sa Barangay Sto. Niño Norte, Arevalo mga las-3:30 subong nga hapon.
Suno sa nasunugan nga si Noemi Fermindoza, sa balay sang iya umagad nagsugod ang kalayo pero wala sang tawo.
Nasunog man ang balay sang iya hinablos nga naga-iping lang sa iya balay kag sang iya umagad.
Ginpabutyag ni Noemi nga gulpi lang nag-ibwal ang kalayo kag wala man sila sang nabati-an nga naglupok ukon napanimahuan nga nagakasunog.
Ginhingagaw ni Noemi ang bag nga may mga bayo, importante nga mga papeles kag iya nga mga bata sa diin isa ang nagabusong.
Sa datos sang barangay, may apat pa ka mga balay nga partially damaged tungod sa sunog.
Gina-imbestigaran pa sang mga bumbero ang ginhalinan sang sunog. — Aksyon Maria Kayla Tingzon
