Pito ka mga banwa sa Antique ang naka-record sang pagbaha tungod sa wala untat nga pag-ulan dala sang bagyo Opong.
Base sa record sang Antique Provincial Disaster Risk Reduction and Management Office, na-record ang pagbaha sa Barbaza, Sebaste, Pandan, Culasi, Bugasong, Laua-an, kag Tibiao.
Naglab-ut naman sa 1,239 ka pamilya ukon 4,667 ka indibidwal ang apektado sang kalamidad sa probinsiya.
Malabayan naman sang mga salakyan ang dalan nga ginbahaan sa probinsiya.
Ang northern portion sang Antique lakip sa ginpaidalom sa Signal No. 2 tungod sa bagyo Opong.
