ILOILO CITY — Base sa pinakaulihi nga data sang Molo District City Social Welfare and Development Office, 66 ka mga balay ang totally gutted, samtang apat ang partially gutted sa sunog nga nagluntad sa Barangay Salvacion Habog-habog, Molo kahapon sang kaagahon.

Naglab-ot naman sa 84 ka mga pamilya ukon 273 ka mga indibidwal ang nahalitan sa sunog, kun sa diin 138 ang lalaki kag 135 ang babaye.

Nagapabilin gihapon sa Baluarte Elementary School ang mga pumuluyo nga nag-evacuate.

Naglab-ot sa P6.6 million pesos ang kahalitan sa nagluntad nga sunog.

Ginpahayag man ni Fire Superintedent Jerry Candido, Director sang Bureau of Fire Protection 6, nga sa balay ni Brgy. Kagawad Nestor Jetano naghalin ang kalayo kag naglaton sa iban pa nga mga pamalay.