ILOILO CITY — Ginpalapakan sa pison ang nakumpiskar nga mga illegal nga palupok kag pyrotechnic devices sa Western Visayas sa ginhimo nga ceremonial destruction and disposal sa Police Regional Office 6 kaina sang aga.
Nagdangat sa 7,336 ka mga firecrackers kag pyrotechnic devices ang ginpangguba.
Sa amo nga numero, 81 ang mga nakumpiskar nga boga.
Sa data sang PRO 6, as of December 26, ang Regional Civil Service Unit ang may pinakamadamo nga nakumpiskar nga naglab-ut sa 4,980.
Nagpangaduha ang Iloilo City Police Office nga may 1,254, nagasunod ang Iloilo Police Provincial Office nga may 710, Guimaras PPO nga may 380, kag Aklan PPO nga may 12.
Sa kabug-usan, ang Antique ang isahanon nga probinsya nga wala pa sang may nakumpiskar nga illegal nga palupok kag pyrotechnic devices.
Wala naman sang may nakumpiskar nga illegal nga palupok sa Capiz, pero 13 ka mga boga nga nakumpiskar ang Capiz PPO. — Aksyon Paula Elambayo
