84 ka mga barangay sa syudad sang Iloilo ginakabig nga high susceptibility sa sunog

Naglab-ot sa 84 ka mga barangay sa syudad ang gin-identify sang MORE Power nga High Susceptibility sa sunog.

Ang amo nga numero kombinasyon na sang data sang MORE Power kag Identified Prone Areas sang Bureau of Fire Protection.

Tinutuyo sang pag-identify sang susceptibility list amo ang pagpatuman sang Integrated Approach to Fire Prevention kun sa diin ilunsar ang Information, Education, and Communication Program sa 84 ka mga High Susceptibility Barangays sa syudad sa pagpasiguro nga jumper free and tanan nga kabaranggayan, ma-rehabilitate ang mga low-lying wires, kag ma-convert na sa otorisado nga load ang mga naga-illegal connection.