ILOILO — Naglapad sang masobra 9 ektraya ang grass fire sa bakante nga lote sa Barangay Gua-an, Leganes kagab-i, Marso 24.
Sa panaysayon sang mga residente nag-umpisa ang sunog las-7 sang gab-i kag madasig nga naglapad tungod sa mabaskog nga dapya sang hangin.
Suno naman kay Jana, isa sa mga residente nga malapit ang balay sa bakante nga lote, ika-apat na ini nga beses nga may natabu nga sunog sa lugar halin sang nagligad nga semana.
Magluwas sa Leganes Fire Station nag-augment man ang Zarraga nga nag-standby sa piyak nga porsyon sang duta agud masiguro nga wala sang mga pamalay nga malab-ot kag indi na magdaku pa ang kalayo.
Yara sa ginabanta 18 ektarya ang bakante nga lote nga ginapanag-iyahan sang San Miguel Brewery, suno sa mga residente.
