ILOILO — Yara na sa estable nga kondisyon sa ospital ang siyam ka tuig nga bata nga babaye nga nasalbar sang nalumos sa suba sa Barangay Daja, Maasin kahapon sang aga.
Suno kay Police Lieutenant Cyrone Empedrad, officer-in-charge sang Maasin Municipal Police Station, upod ni alyas Tin-tin nga nagalangoy ang iya pakaisa sang gulpi lang siya nagkapa-kapa tungod indi na makatungkad.
Sa pagpangusisa sang mga pulis, indi makahibalo maglangoy si Tin-tin.
Madasig naman nga nasalbar si Tin-tin sang iya tiyo kag gindala sa ospital.
Residente sang Oton si Tin-tin kag nagkadto lang sa Maasin upod ang iya pamilya para maglagaw.– Aksyon Maria Kayla Tingzon
