ILOILO — Estable na ang kundisyon sang duha ka mga drivers sang mga tricycles nga nagbungguanay kag pito tanan ka mga pasahero sa Barangay Tambunac, San Enrique mga las-4:30 kaina sang hapon.
Suno kay Police Captain Dandy Ilalto, officer-in-charge sang San Enrique Municipal Police Station, halin sa banwa kag pakadto sa Brgy. Cubay ang tricycle nga may lima ka mga pasahero sang nabungguan sang tricycle nga may duha ka mga pasahero nga pakadto naman sa pihak nga direksyon.
Nakaagum sang pilas sa nagkalain-lain nga parte sang lawas ang mga drivers kag pasahero.
Ginakuhaan pa sang impormasyon sang imbestigador ang mga pasahero may kaangtanan sa ila identity kag kon ano ang natabu nga nagresulta sa aksidente. — Aksyon Maria Kayla Tingzon
