Iloilo: Number 2 Most Wanted Person sa Oton, nadakpan sa Miag-ao!

By: Jocelyn Gelloagan-Maque

Nadakpan ang Number 2 Most wanted Person sang Oton sa Miag-ao kahapon.

Suno kay Senior Inspector Cyril Octavio, hepe sang Miag-ao Police Station, nadakpan nila si Reno Palparan, 31-anyos sang Barangay Dalije matapos nga nagdulhog sa banwa agud magtan-aw sang Salakayan Festival.

Si Palparan ang suspek sa pagpatay nga natabu sa Oton sang 2009.

Suno kay Senior Inspector Octavio, gin-ako ni Palparan nga ginhimo ang krimen bilang pagtimalus sa napatay nga ginpahayag naglampos sang bato sa iya ulo.