Subject sa Drugbust Operation sa Jaro, Nadakpan nga Naga-Pot Session!

Iloilo City–Dakup sa drugbust operation sang mga pulis si Rodolfo Lopez, 41-anyos sang Jaro kag nadakpan pa sa akto nga naga-pot session sa gin-abandonar nga kiosko sa public market sang Barangay Sta. Isabel kahapon.

Na-aresto man ang duha sini ka kaupod nga sanday Pedrito Diaz, 37-anyos, kag Joemarie Molina, 56-anyos, lunsay sang nasambit nga barangay. Narecover ang lima ka sachets sang suspected shabu, 200 pesos nga buybust money kag mga drug paraphernalia.

Ginpahayag nga gin-subject sa Oplan Tokhang sang Jaro police ang mga nadakpan apang wala nag-surrender. (AGB)