Seguridad sa City Hall, Labi pa nga Ginhugtan Matapos ang Davao City Bombing!

Iloilo City–Labi pa nga ginhugtan ang seguridad sa City Hall kasunod sang bomb attack sa Davao City sang nagligad nga semana.

Mas gin-istrikto ang pag-usisa sa mga nagasulod sa City Hall suno kay Executive Assistant for Security Felix Muchada. Suno kay Muchada, luyag nila mapreparahan kag mapunggan ang anuman nga matabu.

Ma-id-id nga gina-inspect ang mga bags sang mga nagasulod sa City Hall. May mga nagalibot man nga k9 teams agud masiguro nga wala sang makalusot nga may malain nga tuyo. (AGB)