(UPDATE) Bag-o nga Director sang IPPO Senior Supt. Harold Tuzon Nagpasalig nga I-prayoridad ang Kampanya Kontra Iligal nga Druga

Province of Iloilo- Hatagan sang pagtamod sang bag-o nga Director sang Iloilo Police Provincial Office ang kampanya kontra iligal nga druga.

Padayunon ni IPPO Director Senior Superintendent Harold Tuzon ang Oplan Tokhang kag project Double Barrel agud ma-ubos ang high value target kag low value target drug personalities.

Magluwas sa iligal nga druga, tutukan man ni Tuzon ang kampanya batuk sa iligal nga gambling sa probinsya.

Nagpasalig si Tuzon nga indi niya pagpaslawon si Police Regional Office 6 Director Jose Gentiles nga nagalaom sa iya ikasarang sa kampanya batuk sa illegal activities.

Si Tuzon ang nagbulos kay anay IPPO Director Roderick Augustus Alba samtang si Alba ang nagbulos sa posisyon ni Tuzon nga hepe sang Regional Operations and Plans Division.

Ginhimo ni Tuzon ang pahayag sa turn-over of command kaina sa PRO6 nga gintambungan nanday Iloilo Governor Arthur Defensor kag Antique Governor Rhodora Cadiao.

May turn-over of command man sa Director sang Antique Police Provincial Office kag Guimaras Police Provincial Office. Si Senior Superintendent Leo Erwin Agpangan na ang APPO Director samtang si anay APPO Director Louis Garong ang GPPO Director. (AT)