Presentasyon sang PECO sa konseho sa Nobyembre 21, madayon suno kay Vice Mayor Jeffrey Ganzon

Iloilo City — Madayon ang presentasyon sang Panay Electric Company sa konseho sa Martes suno kay Vice Mayor Jeffrey Ganzon. Ginkonfirmar ni Ganzon nga hiwaton ang public hearing alas-8:30 tubtob alas-10 sa aga antes ang regular session sang City Council. Istoryahon naman ni Ganzon si Councilor R. Leone Gerochi, chairman sang Committee on Franchises and Utilities, nga magpreside. Gin-athag ni Ganzon nga public hearing ang matabu kag indi kabahin sang session bangud nga wala nakasulod sa agenda.  Matabu ang presentasyon bisan pa nagpasar na ang konseho sang resolution nga nagapamatuk sa renewal sang franchise sang PECO kasunod sang madamo nga mga reklamo sa serbisyo sang kompaniya.  Nagapadayon naman ang pagpirma sa petition batuk sa renewal. (JoMaque)