(UPDATE) Fetus nga nasapwan sa Jaro Plaza, ginlubong na

Jaro, Iloilo City— Ginpa-bendisyunan kag ginlubong sang Jaro police ang fetus nga lalaki nga nasapwan sa Jaro Plaza kaina sang kaagahon.

Gin-confirmar ini ni PO1 Generose Baxinela sang Women and Children’s Protection Desk sang Jaro Police Station.

Una na ginsaysay ni John Defensor, street sweeper sa Jaro Plaza, nga nagapanilhig siya sang ginsugiran sang agi nga may nakita ini nga fetus nga nasulod sa transparent nga plastic container kag nasulod pa gid sa plastic bag. Posible suno kay Defensor nga mga duha ka oras na ginbilin ang fetus.

Ginabanta naga-edad ang fetus sang pito tubtub walo ka bulan. (AGB)