20-anyos nga dalaga, nagreklamo nga ginbastos, ginbuyayaw kag ginhaboy sang taklob sang chafing dish sang senior citizen
Iloilo City — Nagreklamo ang 20-anyos nga dalaga nga ginbastos, ginbuyayaw kag ginhaboy siya sang taklob sang chafing dish sang 75-anyos nga lalaki nga ila kasilingan.
Suno kay alyas Glenda sang Jaro, nagabantay siya sang ila tiyangge sang hinali lang siya ginhambalan ni alyas Edgar nga dako ang iya dughan kag ginbuyayaw.
Naghilibi-on si Glenda apang ginhaboy pa gid siya sang taklob sang chafing dish nga crystal ni Edgar.
Wala naigo sang taklob sang chafing dish si Glenda apang naigo ang iya agtang sang kamot ni Edgar.
Ginpanginwala ni Edgar ang akusasyon batuk sa iya.
Napilasan naman sa agtang ang ginreklamo matapos natumba suno sa mga nakakita.
Nagwaras si Edgar sang ginpreso sang pulis.
Ginpabutyag ni Glenda nga pasakaan niya sang kaso si Edgar bangud makapila ka beses naman niya nadakpan nga nagapanglingling siya sa iya. (JoMaque)