Pagpahamtang sang lifeguard sa kada 20-meter beach resort area, ginmandu sang Coast Guard
Iloilo City – Nagpahanumdom si Lt. Sr. Grade Rodolfo Dela Peña sang Philippine Coast Guard Iloilo Station sa tanan nga mga beach resort owners sa Iloilo kag Guimaras nga dapat may life guard sa kada 20 meters sang ila area.
Ini ang base sa bag-o nga memorandum circular sang Philippine Coast Guard.
Ang mga magalapas sa mandu, mahimo magbayad sang tubtob sa Php 50,000 kag masuspend ang operation sang ila beach resort tubtob sa anum ka bulan.
Base sa pinakaulihi nga monitoring sang PCG, tatlo lang sa ginabanta 100 ka mga beach resorts sa Iloilo ang may lifeguard.
Suno kay Dela Peña, importante nga may lifeguard sa kada beach resort agud masiguro ang safety kag security sang mga bisita.
Angut diri, may ginaconduct nga Life Guard Training ang PCG.
Natapos na ang training sa first district sang Iloilo samtang nagsugod subong nga adlaw ang training sa fifth district.
Naschedule naman nga hiwaton ang training sa Guimaras sa June 4 tubtob 8.
Sa tanan nga interesado magcontact lang sa 335 – 49 – 28. (JoMaque)