DETACHMENT COMMANDER SANG PHILIPPINE ARMY PATAY SANG GINTIRO SANG IYA CAFGU MEMBER SA TAPAZ, CAPIZ
CAPIZ – Patay ang detachment commander sang Philippine army sang natiruhan sa Barangay Dann Banwa Sur, Tapaz Capiz, pasado las 6:00 sang gab-i.
Gindala pa sa ospital si Staff Seargent Ronilo Esoy, detachment commander sang 12th Infantry Batallio sang Philippine army apang wala gid natabangan bangud sa patal nga pilas sa dughan.
Suno kay Senior Inspector Edwin Luces, hepe sang Tapaz Police Station, ginsulod sang suspect nga si Bonny Jimenez, 39 anyos kag CAFGU member sa admin office si Esoy kag gintiro sang M16 riffle.
Gintamyaw pa sang suspect ang biktima dala taya sang M16.
Pero antes ang insidente, ginpahayag nga naglisensya ang CAFGU member nga maguwa pero wala ginpasugtan sang iya superior bangud naka-red alert ang Philippine Army kasunod sang tiruhay nga nagluntad sa Antque.
Nadakpan ang CFGU member kag preso na sa Tapaz Police Station.