4 patay, 3 pilason sa pagpanglabi sa Capiz

Capiz–Apat patay kag tatlo pilason sa pagpanglabu sa Barangay Tanza Norte, Panay, Capiz kahapon, Agosto 29.

Ginkilala ang mga napatay nga sanday Concepcion Celino, 70-anyos; Ramilyn Labto, 36 anyos; apat ka tuig nga bata kag suspek nga si Nestor Beldia, 60-anyos.

Pilason naman sanday Telma Arabia, 74-anyos, tatlo kag walo ka tuig nga mga menor-de-edad.

Suno kay Senior Inspector Ruby Magallanes, hepe sang Panay Municipal Police Station, ginsulod ni Beldia sa iya balay si Celino kag ginlabu lakip sanday Ramilyn, 3 kag 8 ka tuig nga bata gamit ang binangon.

Ginguwa-an kag ginlabu man ni Beldia sanday Telma kag apat ka tuig sang naglabay malapit sa balay ni Concepcion.

Sa imbestigasyon sang police, naglain ang paminsaron ni Beldia rasun nga nahimo niya ang krimen.

Natiruhan naman ang suspect sang nagresponder ang mga pulis sa lugar bangud gintuyo niya labuon sang makaduha ka beses ang isa ka pulis.

Gindeklarar nga dead-on-arrival ang tatlo ka mga biktima kag ang suspect sang gindala sa ospital. (AS/AGB)