Iloilo Dinagyang Foundation, nagaduha-duha pa nga magpadala sang contingent sa Aliwan Fiesta

Iloilo City — Nagaduha-duha pa nga magpadala sang contingent ang Iloilo Dinagyang Foundation sa Aliwan Fiesta sang Manila Broadcasting Company (MBC).

Suno kay IDFI President Mr. Ramon Cua Locsin, istoryahan pa nila kon mapadala sang representante ang syudad sa Aliwan Fiesta 2019.

Kon si Locsin ang masunod, mas luyag niya nga mag-intra sa mga regional festivals sa iban nga lugar ang Dinagyang Festival agud mag-promote sang kahiwatan kag turismo sang Iloilo City pareho sa Masskara Festival.

Magasto suno sa iya kon magpadala sang contingent sa Aliwan.

Nagalab-ot sa 3 tubtub 4 million pesos ang gastuhon kon magpasakup ang Dinagyang Festival sa Aliwan suno kay Locsin.

Pero nagpahayag si Locsin nga ila pa ini nga istoryahan. (JoMaque)