84-anyos nga lola, patay na sang nasapwan sa bubon

Lambunao, Iloilo–Patay na sang nasapwan ang 89-anyos nga tigulang nga babaye sa bubon sa Barangay Sibacungan, Lambunao.

Ginkilala ang tigulang kay Veronica Latore, residente sang amo man nga lugar.

Suno kay Police Senior Master Sergeant Eduard Lesondra, imbestigator sang Lambunao Police Station, naga-isahanon sa iya balay ang babaye kag ginapadal-an lang siya sang pagkaun sang iya bata, mga hinablos kag nagabulig-bulig man ang iya kasilingan kun ano ang kinahanglanon sang tigulang.

Antes pa man nasapwan, nakit-an pa siya alas 6:00 sang kasisidmon sang April 15, Lunes nga nagalakat pakadto sa iya garden.

Mga las 5:00 sang hapon, April 16, Martes, ginpangita sang iya kasilingan ang tigulang pero nasapwan na lang siya nga nagakulob sa sulod sang bubon.

Ginapatihan nga nahulog ang tigulang sang nagtuyo magsag-ub sa bubon nga nagadalum sang 10 ka tapak. (JoMaque)