Tuman ka init – rason sang TF Beautification head sa pagkalaya sang mga tanum sa center island sa Diversion Road, Mandurriao

Iloilo City – Nagpa-athag si City Agriculturist kag Task Force Beautification Head Romulo Pangantihon sa pagkalaya sang mga tanum sa center island sa Diversion Road, Mandurriao.

Suno kay Pangantihon, regular nga ginabunyagan ang mga tanum pero nagakalaya bangud tuman ka init. Pinaka-apektado suno sa iya ang mga tanum halin sa Taft North, Mandurriao tubtob sa Sambag, Jaro.

Gin-ako man ni Pangantihon nga problema ang kakulang sang tubig. Sa subong, apat ka tankers sang tubig na lang imbes anum tubtob walo ang ginabunyag sa mga tanum. (JoMaque)