Mga magabisita sa Agony Hill sa Alimodian, ginapahanumdom nga magsoksok sang proper dress code

Alimodian, Iloilo — Nagpangabay si Alimodian Mayor Geefre “Kalay” Alonsabe sa mga magabisita sa Agony Hill nga magsuksok sang proper dress code.

Ginpahanumdon ni Alonsabe ang mga magasaka sang Agony Hill nga likawan ang pagsuksok sang sleeveless nga bayo pati ang pagsuksok sang tuman ka lip-ot nga shorts.

Dapat suno sa alkalde nga respetuhon sang mga magabisita ang lugar bangud indi lang ini tourist attraction kundi duog sa diin ginadumdom ang pag-antos sang Ginuo agud maluwas kita sa kasal-anan.

Ginapaabot nga masobra 8,000 ang magabisita sa Agony Hill subong nga Semana Santa. (JoMaque)