Tigbauan, napili-an sang provincial government nga butangan sang evacuation center sa 1st district

By: JoMaque | Disyembre 21, 2019, 9: 22am

Tigbauan, Iloilo – Napilian sang Provincial Government ang Tigbauan nga butangan sang evacuation center sa 1st district.

Suno kay 1st District Board Member Renee Valencia, ginsaylo ang pundo sang Provincial Government agud masuguran na ang pag-obra sang building nga nagabalor sa P22 million.

Tuyo sang LGU nga ibutang ang evacuation center sa Tigbauan National High School.

Gin-design ang building suno kay Valencia nga para gid sa mga evacuees para mangin komportable sila.

May comfort room kag bleacher chairs nga pwede mahigdaan sang mga evacuees sa pagtiner nila sa evacuation center.

Pwede man magamit sa iban nga mga activities ang evacuation center kun wala sang kalamidad.