1 patay, 1 pilason sang nakabunggo ang motorsiklo sa jeep sa Carles

By: JoMaque | Disyembre 21, 2019, 9:26am

Carles, Iloilo—Isa patay kag isa ang pilason matapos nakabunggo ang motorsiklo sa depasahero nga jeep sa national highway sang Barangay Nalumsan, Carles las 3:30 kahapon sang hapon, Disyembre 20.

Dead-on-arrival sa ospital ang back rider sang motorsiklo nga si Jojo Bulao, 36-anyos samtang kritikal ang driver nga si Joey Jovito, 27 anyos, lunsay residente sang President Roxas, Capiz nga gindala sa Western Visayas Medical Center.

Sa imbestigasyon sang Carles police, nag-overtake sa tatlo ka motorsiklo ang mga biktima nga ginpahayag naka-inom tubtob wala makontrol ni Jovito ang manibela rason nakabunggo sa nauna nga jeep.

Nag-surrender sa Carles Police Station ang driver sang jeep nga si Franklin Isiguro, 40-anyos sang President Roxas, Capiz.