Mayor Jerry Treñas, nabalaka sa sunod-sunod nga hit-and-run cases sa siyudad

By: JoMaque | Disyembre 22, 2019, 8:48am

Iloilo City — Nabalaka si Mayor Jerry Treñas sa sunod-sunod nga hit-and-run cases sa siyudad.

Bangud sini, ginmanduan sang alkalde si Public Safety and Transportation Management Office (PSTMO) Head Jeck Conlu nga magpakigsapol kay Iloilo City Police Office Director Colonel Martin Defensor Jr kag istoryahan ang mga tikang nga indi na madugangan ang mga kaso.

Ginapadalian man sang Treñas ang pag-install sang Intelligent Transport System agud nga madakpan gilayon ang mga involved sa hit-and-run.

Pinakaulihi nga nabiktima sang hit-and-run ang security guard nga nabungguan sang itom nga Toyota Fortuner sang Disyembre 18 sang kaagahon nga nagresulta sa kamatayon sang guwardiya.