Mga pumuluyo sa Iloilo City, wala sang daku nga kabalak-an sa bagyo suno sa CDRRMC

By: Aine Grace Bravo | December 24, 2019

via KhenJo Terco

Iloilo City — Wala sang daku nga kabalak-an ang mga pumuluyo sang siyudad sa mangin epekto sang Bagyo Ursula.

Suno kay Mr. Darwin Papa, Operations Officer sang City Disaster Risk Reduction and Management Council (CDRRMC), mabatyagan ang epekto sang bagyo umpisa karon sa gab-i tubtub sa kaagahon.

Moderate to heavy rain ang mahimo ma-experyensiyahan base sa monitoring sang PAGASA bangud indi man direkta nga mag-igo ang bagyo sa Iloilo dugang pa ni Papa.

Apang gin-abisuhan naman ang mga pumuluyo nga indi magkampante kag sa baylo, magpabilin nga alerto.

Samtang, mahatag naman sang pagkaon ang City Government sa mga nagkala-stranded nga pasahero sa Fast Craft terminal.