186 families sa Rehiyon 6, nag-evacuate bangud sa mamunog nga ulan kag pagbaha dala sang Bagyo #QUINTAPH –OCD 6

By: JoMaque | Oktubre 27, 2020

ILOILO CITY – 186 ka pamilya ang nag-evacuate bangud sa mamunog nga ulan kag pagbaha sa Rehiyon 6 dala sang bagyo #QuintaPH as of las-11 kahapon sang aga, Oktubre 26.

Suno kay Office of Civil Defense 6 spokesperosn kag Western Visayas Disaster Risk Reduction Management Division Chief Ma. Aletha Nogra, kadamuan sang pamilya nga nag-evacuate ang halin sa Negros Occidental kag Antique.

Posible suno kay Nogra nga madugangan pa ang numero bangud nagapadayon ang pagsulod sang reports halin sa nagkalain-lain nga LGUs. Sa probinsiya kag siyudad sang Iloilo, may na-monitor sila nga gin-evacuate, pero gina-consolidate pa ang data.

May gin-report man nga flashfloods kag landslide sa probinsiya sang Iloilo, pero wala man sang may nahalitan nga establishments.

Sa Aklan naman, may mga provincial roads nga nalapawan sang tubig, pero pwede na maagyan subong.

Magluwas diri, may mga na-stranded nga pasahero sa Caticlan Port sa Aklan kag Culasi Port sa Roxas City, Capiz padulong sa Batangas. | Via Firingline