(UPDATE) 55 talipapa vendors sa Passi City, nagpositibo sa COVID-19

Iloilo — Nagpositibo sa COVID-19 ang 55 ka talipapa vendors sa Passi City base sa data nga ginpagguwa sang Passi City LGU kagab-i, Pebrero 3.

Ang mga vendors nga nag-positive ang nagabaligya sa talipapa sang Barangay Imbang Grande, Sablogon, Man-it, Quinagaringan Pequeño, Quinagaringan Grande kag Gines Viejo.

Bangud sini, nagdangat na sa 300 ang active cases sang COVID-19 sa Passi City. Una na nga ginkumpirmar ni Mayor Stephen Palmares nga 270 talipapa vendors ang ginpaidalum sa RT-PCR test sang Pebrero 2.

Ginhimo ang tikang matapos nga 131 ka vendors sa main public market ang na-infect sang virus sang nagligad nga semana.